-
Ep.18【又關性別事】倖存者言，支援者助 (Feat. Dr. Albert Yau)
tag : 性暴力今次我哋討論一個比較認真嘅話題，講性暴力。邀請到Albert 同我哋傾下性暴力嘅複雜性，點解成件事唔係「以牙還牙」咁簡單？另外代替一眾網民問下，點解望下人地J圖閃卡會有後果。
-
Ep.17【讀/書畀你聽】外籍勞工的同性情慾 (Feat. Prof. Francisca Lai)
其實本身呢集係預計喺響應5月勞動節月份，剛好早前大台女藝員特登搽黑自己扮菲傭件事有同今次主題有關，所以真係要聽下！Diversity & Inclusion (D&I) 唔係淨係口號咁簡單，到底文化人類學研究可以點樣幫助減少仇恨同偏見？
-
Ep.16【讀/書畀你聽】老年女同志研究與《阿媽的女朋友》(Feat. Prof. Denise Tang)
每個人都會老，同志都唔例外。今次就講下老年學，邀請Denise黎分享佢近排出版嘅老年女同志研究，飛黎飛去，用幾種語言先累積得到嘅研究成果，畀你反思下同志/死亡/等待/出櫃呢幾個字對於唔同年代嘅人黎講有幾大唔同。
-
Ep.15【又關性別事】睇劇學嘢，今次睇POSE
疫情要自強，睇劇都睇啲學到嘢嘅，今次分享有喺Netflix 上架嘅POSE，睇下七八十年代美國嘅邊緣跨性別同志們點樣團結求存，順便回顧下4大重點。
-
Ep.14【專訪自己人】半/無性戀的頻譜 (Feat. Kae, Yumi)
延續「跨越情慾，性/愛非二元」，今次講半/無性戀（Ace/Aro）嘅頻譜，點解會叫「頻譜」，除左係因為呢個圈子有好多種傾向程度，兩位嘉賓會分享下意識到自己嘅傾向之後同其他人「唔啱channel」，被人誤解嘅處境。
-
Ep.13【專訪自己人】跨仔的情與慾(Feat. Liam)
第二季開始，以「跨越情慾，性/愛非二元」打頭陣！今次我哋邀請跨性別嘅一員黎分享下自己「搵關係」嘅經歷，從云云外協慾海中，碰碰撞撞，點樣尋找對象。話明「非二元」，Liam都會講埋發現自己嘅情慾傾向轉變。
-
Ep.12【點止港同志】一年過去，繼續出發
tag : 季度完結感言第一季嘅《點止港同志》就咁樣出街差差不多半年，今次就同大家回顧一下，順便公布新消息。亦都借今次呢一集嚟同大家講吓心中情😘香港人，加油。
-
Ep.11【讀/書畀你聽】訪問關懷愛滋 Chem Fun係咩你又知唔知 ? 🍦❄️
今次訪問到支援memba CF嘅組織 – 關懷愛滋分享一下佢地主力協助嘅項目同埋最新推廣。要減少污名同誤會，首先要認識族群文化開始。
-
Ep.10【讀/書畀你聽】論pronoun現象中嘅「佢」
今集笑談廣東話，講下廣東話裡面「佢」呢個字，其實可以用嚟好有彈性咁表達性別！面對英語世界開始強化每個人嘅代名詞（pronoun），同埋有Neopronoun現象，作為會講廣東話嘅同志，我哋可以點樣應對呢？
-
Ep.9【專訪自己人】特輯：跟Tommy仔溫故香港同志20年
話明係「特輯」，就當然特別地，特別長，特別有意義！錄到主持好感動！今次一口氣同Tommy仔回顧20年前嘅同志相關活動，分享佢參與過嘅活動。