Category: 第一季 (2021年度)
-
Ep.12【點止港同志】一年過去，繼續出發
第一季嘅《點止港同志》就咁樣出街差差不多半年，今次就同大家回顧一下，順便公布新消息。亦都借今次呢一集嚟同大家講吓心中情😘香港人，加油。
-
Ep.11【讀/書畀你聽】訪問關懷愛滋 Chem Fun係咩你又知唔知 ? 🍦❄️
今次訪問到支援memba CF嘅組織 – 關懷愛滋分享一下佢地主力協助嘅項目同埋最新推廣。要減少污名同誤會，首先要認識族群文化開始。
-
Ep.10【讀/書畀你聽】論pronoun現象中嘅「佢」
今集笑談廣東話，講下廣東話裡面「佢」呢個字，其實可以用嚟好有彈性咁表達性別！面對英語世界開始強化每個人嘅代名詞（pronoun），同埋有Neopronoun現象，作為會講廣東話嘅同志，我哋可以點樣應對呢？
-
Ep.9【專訪自己人】特輯：跟Tommy仔溫故香港同志20年
話明係「特輯」，就當然特別地，特別長，特別有意義！錄到主持好感動！今次一口氣同Tommy仔回顧20年前嘅同志相關活動，分享佢參與過嘅活動。
-
Ep.8【同志情報局】論同志遊行之BDSM同Kink被邊緣？
今集我哋回顧下驕傲遊行，同埋傾下年中有國外LGBT提出對於排除BDSM族群參加遊行嘅意見。到底行Parade係咪有潛dress code？咩先叫做「太Over」？？以歡樂嘉年華形式舉辦同志活動有咩利弊？同志運動平時少左邊啲人？
-
Ep.7【同志情報局】冒充TB性侵案延伸討論 – 認識不同定義「性同意」
假扮TB案件差不多過咗一個月，今次無咁憤概，我哋將情緒化作力量，好好傾下gay同les網上交友，同埋多咗人講嘅Consent，到底仲有咩要注意？
-
Ep.6 【同志情報局】 Netflix影評｜香港依家仲有拗直治療
從喺Netflix睇完一套紀錄片，醒起我哋身在嘅香港時至今日，仍然有人做咁樣嘅事…某啲宗教同性小眾之間嘅矛盾活於現今社會嘅我哋，又可以點樣理解呢？
-
Ep.5 【專訪自己人】 兩個肥人論Body Positive
時下個個話#bodypositive要自愛，但到底要點先Positive？身體變成點我唔理，我覺得自己靚就係Positive？今次主持同嘉賓剖白，大談身材、肥、人工美，分享Positive前要改變嘅事
-
Ep.4【又關性別事】彩虹行銷與消費Pride的距離
每逢佳節倍思親，每逢六月倍思同志？六月到底點解會有咁多商品出彩色？越來越多品牌開始推出彩虹商品慶祝LGBT，Pink Money 商機無限，同志錢係咪咁好賺？有咩好嘅彩虹marketing例子？聽吓《點止港同志》啦！
-
Ep.3【又關性別事】OnlyFans 走甜又跪低，網黃生計岌岌可危？
香港人對Patreon應該唔會陌生，咁OnlyFans呢？呢個平台最近出咗新政策，但係五日內就180度大轉變，到底發生咗咩事？呢個OnlyFans有咩背景？佢同性別有咩關係？情色內容大遷徙，原來仲有其他嘢威脅緊網黃生計？