Category: 專訪自己人

因為呢個有廣東話字幕嘅遊戲，主理人特登下載Steam體驗呢個以80年代女女情愛劇情嘅遊戲。

【今集老師有好多金句，非常值得Ally 同行者參考，鼓勵更多盟友做出改變。】

多謝嘉賓主持Risto 同我一齊話當年，點樣靜靜上網聽同志節目。記者甲果然係同行，把聲好入聲，同我哋娓娓道來起點Gay Radio嘅起，同跌。中學雞嘅我哋就係咁樣，一集集去聽出社會嘅同志係咩模樣，嬉笑怒罵愛恨情仇。每一集都係製作團隊花心思花時間嘅心血，即使無固定嘅資源補助，可能就係因為一個聽眾嘅回應就成為繼續耕耘嘅動力

密鑼緊鼓邀請緊更多嘉賓，籌備Podcast專屬網站嘅同時，同大家預告下EP32 訪問嘅內容，仲有客席主持！

2023年1月台灣正式大部分通過跨國同婚，即刻搵黎另外一對台港couple黎分享喜悅！ 嘉賓除咗會分享收到新聞時嘅感受， 仲會講吓作為跨國同婚嘅倡議者，對於政策&婚姻嘅想法。

近排香港台灣唔同地方都有LGBT Pride 嘅相關活動，現身走出街頭，參與活動之後，回到日常，遇到性傾向相關嘅困惑，又可以搵邊個呢？

聾人同志嘅交友、親密互動有咩唔同呢？「手天使」嘅經歷提醒我哋，即使身體同健全人士不同，都有性需求同埋權利。點樣兩位嘉賓喺唔同個年代出櫃，公開表達自己嘅性別傾向，原來最難開口嘅，係自己最親近嘅人…另外嘉賓Stacey 會分享去旅行嘅經歷，歐洲對LGBT+開放同保守嘅差異。最重要嘅係，到底做「同志盟友」Ally其實要點樣呢？

聽過節目嘅朋友可能會問點解Podcast 仲可以提供逐字稿，有文字稿除咗方便回顧資料，其實仲方便到唔係用聲音溝通嘅人。一連兩集，有賴手語翻譯，我哋用podcast同埋影像記錄聾人同志嘅生活：點解叫佢「聽障」反而唔係友善嘅表達？聾人同志點樣表達自己性別認同？喺跨性別嘅路上，聾人嘅朋友又會遇到點樣嘅問題？

喺一個自己都厭惡自己，怪責自己嘅情況下，性向試改會導致一個人點樣呢？嘗試過宗教「拗直」自己嘅Alvin，最後因為媽媽開口，開始發現自己相信嘅嘢有雙重標準，開始意識自己唔可以繼續「拗」落去。雖然事隔十幾年，雖然Alvin 已經成為肯定式輔導嘅輔導員，但係講返起自己嘅故事，以及想用紙筆記錄自己嘅經歷，都有重重關卡…

一連兩集，搵嚟研究團隊同埋「拗直」過來人分享點解會有人想去改變自己性傾向？過來人從希望自己「變正常」，自己走去改變性向，結果強力抑壓自己到身心問題，最後屋企人都叫佢…，語音紀錄一次真真實實嘅經歷。面對網上面好多以「同性小眾同行」、「關愛同志」為名嘅組織，我哋可以點樣自保，認清邊種輔導先適合自己？就㩒入嚟聽吓啦！