香港人對Patreon應該唔會陌生，咁OnlyFans呢？
呢個平台最近出咗新政策，但係五日內就180度大轉變，到底發生咗咩事？
呢個OnlyFans有咩背景？佢同性別有咩關係？
情色內容大遷徙，原來仲有其他嘢威脅緊網黃生計？
章節
| 開始時間 | 標題 |
|---|---|
| 00:00:12 | OnlyFans 新政策 又關性別事？ |
| 00:00:30 | 咩係OnlyFans？佢哋係點營運？ |
| 00:01:54 | OnlyFans新政策內容 彈出又彈入 |
| 00:04:45 | 新一波網黃移民潮 |
| 00:05:31 | 台灣警方上門搵網黃 |
| 00:06:57 | 色情內容喺社交平台面對嘅困境 |
| 00:08:26 | 社會對性同性/別表達嘅氛圍 |
【又關性別事】OnlyFans 走甜又跪低，網黃生計岌岌可危？
歡迎大家返到今集《點止港同志》，我係主持馬天娜。
今集嘅主題就講Only Fans8月個新政策，佢彈出又彈入，消息公布咗之後五日後就跪底，咁到底only fans一件事同性別有咩關係呢？呢件事點解同發佈性相關嘅內容有關？就請大家繼續聽落去啦。
OnlyFans 係咩架呢？佢係英國嘅一嘅線上付費訂閱平台。由於訂閱費用淨係會抽20%，咁即係創作者可以攞到高達八成嘅收益，所以係好多色情影像的自媒體經營者用到嘅平台。當中都有唔少係自稱性工作者嘅用戶。
根據泛科學新聞網前編輯陸子鈞所記載，Only Fans最初創辦人Timothy係搵佢Banker嘅爸爸投資，喺2011年創立左Glamworship（主要以Financial Domination，中文叫金錢支配為主嘅平台）。兩年之後起左「Customs4u」，呢個就係成人短片內容的先驅。當時鼓勵左好多小型成人影片工作室及創作者加入。直到2016年才有了OnlyFans 。
所講彈出又彈入係咩意思呢？事源
Only Fans 喺8月20號公布佢地將會喺10月1號起禁止色情內容，但又聲明「符合規範的裸露」就OK。新版嘅使用政策講啲咩呢？就包括唔可以喺 OnlyFans 上傳、張貼、展示或發布所謂「呈現、包含、宣傳、或涉及露骨的性內容」，講到咁chum，即係有啲咩呢？
就係實際或模擬性交畫面，佢寫得好仔細，寫係「包含任何性別嘅二人或多人之間的生殖器對生殖器、口腔對生殖器、肛門對生殖器、或口腔對肛門嘅性交行為」。雖然官方和一些消息說「裸體仍然可以」，但並唔係單人的裸體就都OK wor。實際或模擬自慰畫面，任何關於肛門或生殖器的極端或冒犯的展示，以及展示性行為中常見的分泌、體液或者模擬物，都係喺新嘅使用政策裏面唔允許發佈嘅內容。
咁到咁翹口，咁OnlyFans 聲明稿中「符合規範的裸露仍然可以」實在是沒甚麼意義。因此原本以色情內容為主軸的創作者就又開始另一波嘅移民潮啦。
經過一番以Only Fans 所收入來源嘅用戶追擊同控訴之後，Only Fans喺公布消息後嘅5日，即係8月25號就收回成命，話暫緩政策。雖然唔知道佢會延遲幾耐，但係既然佢政策修改一出，其實為咗要留住投資者，依靠維持收入增長，平台走去主流都係遲早嘅事。
其實only fans係有嘗試平衡走向色情同走向主流兩個方向。同樣喺8月Only Fans推出OFTV手機 app，同其他串流式嘅平台一樣，呢個TV裏面播放嘅會係健身、搞笑、烹飪同埋音樂內容嘅影片。咁樣無端端要搞個TV出嚟呢？就係因為OnlyFans受制於自己有色情內容嘅因素，佢係冇辦法將原先嘅內容放喺App store度上架。呢個應該喺大部分嘅交友網站App都會面對到嘅問題。例如如果你用開google放廣告呢賺取收入，Google一旦知道知道你嘅app裏面有色情嘅內容，佢會將你嘅app為另外一類，你就淨係會收到所有同色情相關嘅廣告。呢個情況就解釋咗點解上網睇咸片，周圍框住嘅廣告內容係差唔多。
喺呢場移民潮之中有網民提供Only Fans 以外嘅付費作品平台，例如FanCentro、Ismygirl、LoyalFans 同埋行得比較出嘅JustfForFans。喺收到Only Fans政策修改嘅差唔多時間，JustForFans就大大聲喺Twitter上面出咗篇聲明，大意大概係講話成人產業已經習慣咗一個平台壯大到一定程度之後就被收割。Just for fans就係一個咸網，呢一點將來唔會改變。而且我哋無興趣主流化，我哋係計Only Fans之後最大嘅流量平台，而且已經準備好唔會遺棄內容創作者。當時當然對於大部分好徬徨嘅用戶嚟講簡直係一道曙光呀。咁但係唔知道因為Only Fans轉呔，啲用戶們會唔會咁快走喇。
除咗only fans，台灣都開始有越嚟越多嘅Twitter用戶被台灣嘅警察邀請去飲咖啡。台灣用戶有一班人專門發布自己同其他人發生性行為嘅影像記錄，有人出post話所有有一萬個追蹤以上嘅twitter用戶。只要帳戶裏面有露點或者係收費行為，警察都已經記錄在案。咁我上網就見到唔少嘅台灣用戶佢哋都會喺自己嘅自我介紹到放自己嘅課金戶口，真係成個銀行戶口號碼寫曬出嚟。唔知道呢個係咪造就咗佢哋會畀警方視為性交易嘅理據。
假如你身邊知道有人係做網黃嘅話，可以順便同你哋分享埋台灣用戶係Twitter寫警察係點樣搵唔露面嘅用戶：從有寫自己銀行號碼嘅accouunt 入手，然後去搵啲post裏面所有可以追蹤得到嘅身體特徵，然後再搵用戶同其他網友交換相嘅時候個樣，根據用戶嘅生活照去搵唔同嘅CCTV，再搵當事人去過邊度開房以及佢用啲乜嘢電郵同埋手提電話號碼去開呢一個Twitter戶口。如是者，越嚟越多嘅用戶就畀警察搵上門，並且好似透過啲用戶，將呢啲資訊寫上Twitter畀說話畀其他網黃知。
總結：從Tumblr 到 Twitter，到Only Fans，其實都離不開一個困境，就係當一個免費社交平台要權衡當自己個平台日漸壯大嘅時候，面對當地管制色情內容嘅法律、自己嘅股東、投資者，以及累積落黎嘅用戶，色情內容都好似只會走到邊緣。
呢種邊緣嘅概念詭異嘅地方，就係其實你知道身邊有人會睇，但係大家唔會公開講，因為知道自己一承認同鹹嘢有關係，就會非常影響其他人對你嘅印象。除非透過學術、透過藝術，一啲我哋社會文化當中普遍認為喺上等、中上階級嘅渠道先可以比較官面堂皇咁呈現出黎。話雖如此，當成同商業金錢掛鉤嘅時候就好就會走到另外一個層面就係姓嘅交易所謂性嘅交易逗號喺好多地方嘅法律眼中係犯法嘅。大部分嘅投資者都唔會希望自己插手於一啲犯法嘅投資入面逗號所以當擁有大額資金嘅投資者都唔相干涉有色情成分嘅生意嘅時候逗號每一個用戶無論佢係賣相定係會涉及有肢體接觸嘅性工作都好其實佢哋冇一個都會一路咁被推去一個邊緣嘅位置就好因為喺佢哋嘅情況喺佢哋嘅處境之下邊緣嘅處境雖然冇咁容易得到知名度但係至少唔會咁容易受到強烈嘅制肘。
撇除OnlyFans同埋其他賣相/性交易之外，其實我哋周遭有好多嘢都係同性相關嘅展示有關。例如好多廣告裡面都會用左性嘅元素去呈現出黎，咁到底我哋嘅社會裡面如何權衡一啲係可以睇得到嘅性，而邊啲嘅性嘅描述又係唔可以呈現係我地大眾嘅眼中呢? 哩個問題我相信係一路都解開唔到嘅。咁講出黎又做乜呢?就係因為正正唔同地方嘅管制色情物品嘅法例都唔同，佢哋嘅彈性都唔同，所以面對社會裡面確確實實存在嘅性嘅描述同呈現畫面，我哋又點樣維持哩一個周遭有性嘅元素，但係社會唔俾你講出面嘅氛圍。表達性同性/別嘅自由又可以放係邊到。無論今次OnlyFans最後會唔會推出新政策，我相信頭先嘅討論都係可以俾大家有多一層嘅思考。
《點止港同志》喺一個以香港同志角度出發嘅Podcast，希望可以將大家生活裡面嘅性/別同同志議題同廣東話聲音同文字方式保留同流傳。每一集嘅Podcast我哋都有製造文字檔，畀唔方便聽聲音嘅朋友都可以知道我哋嘅資訊。
多謝你收聽，而且聽到最後。如果你想收到下一集嘅內容，歡迎你訂閱我哋。想畀feedback嘅話，歡迎你喺Apple Podcast留言同埋星星回饋，或者喺我哋@Pridelabhk instagram dm 我哋。如果你喜歡我哋嘅節目，歡迎你分享畀你身邊認識嘅同志，或者非同志嘅朋友。
今集講就到呢度先，期待下次同你《點止港同志》。